საქართველოს ელჩმა შეხვედრა გამართა საუდის ფოსტის თავმჯდომარესთან
2025 წლის 5 მაისს, საუდის არაბეთის სამეფოში საქართველოს ელჩმა, ნიკოლოზ რევაზიშვილმა, შეხვედრა გამართა საუდის ფოსტის (SPL) თავმჯდომარესთან ანეფ ბინ აჰმედ აბანომთან.
შეხვედრისას მხარეებმა განიხილეს საქართველოს ფოსტას და საუდის ფოსტას (SPL) შორის თანამშრომლობის პერსპექტივები, მათ შორის საფოსტო გზავნილების, ლოჯისტიკის სფეროში საუკეთესო პრაქტიკის გაზიარების და ინოვაციური სერვისების განვითარების მიმართულებით.
განსაკუთრებული ყურადღება გამახვილდა საქართველოსა და საუდის არაბეთის სამეფოს შორის დიპლომატიური ურთიერთობების დამყარების 30 წლის იუბილესთან დაკავშირებით ერთობლივი საიუბილეო საფოსტო მარკის გამოცემის შესაძლებლობაზე, როგორც ორი ქვეყნის მეგობრობის სიმბოლოზე.