ელჩმა ნიკოლოზ რევაზიშვილმა შეხვედრა გამართა Expo 2030 Riyadh-ის მთავარ აღმასრულებელ დირექტორთან

შეხვედრისას მხარეებმა განიხილეს Expo 2030 Riyadh-ის ფარგლებში საქართველოს მონაწილეობასთან დაკავშირებული საკითხები. განსაკუთრებული ყურადღება დაეთმო საქართველოს პავილიონის კონცეფციის განვითარებას, მის თემატურ ზონებში ეფექტურ განთავსებასა და ქვეყნის მაქსიმალურად პოზიტიურად წარმოჩენას ექსპოს მიმდინარეობისას.

Expo 2030 Riyadh გაიმართება საუდის არაბეთის დედაქალაქ რიადში 2030 წლის 1 ოქტომბრიდან 2031 წლის 31 მარტამდე. მასში მონაწილეობას გეგმავს 190-ზე მეტი ქვეყანა. Expo 2030 Riyadh ქმნის უნიკალურ პლატფორმას, სადაც ქვეყნები გლობალურ აუდიტორიას საკუთარ ეკონომიკურ, კულტურულ და ტექნოლოგიურ პოტენციალს წარუდგენენ.