ელჩმა ნიკოლოზ რევაზიშვილმა შეხვედრა გამართა საუდის არაბეთის სპორტის მინისტრის მოადგილესთან

შეხვედრისას მხარეებმა განიხილეს საქართველო-საუდის არაბეთს შორის სპორტის სფეროში არსებული თანამშრომლობა და მისი შემდგომი განვითარების პერსპექტივები. განსაკუთრებული ყურადღება დაეთმო სხვადასხვა სპორტულ ფედერაციებს შორის თანამშრომლობის გაღრმავებას, პროფესიული გამოცდილების გაზიარებასა და სპორტული კავშირების განმტკიცების შესაძლებლობებს.

მხარეებმა ასევე განიხილეს ერთობლივი ინიციატივებისა და პროექტების განხორციელების პერსპექტივები, მათ შორის სხვადასხვა სპორტის სახეობების საუდის გუნდების საქართველოში სავარჯიშო შეკრებების შესაძლებლობები.